Peteĩ Ñe’ẽpaparápe

Peteĩ  Ñe’ẽpaparápe

Tovente  Ñe’ẽ jeguápe

Mboriahu, Itaty,

Ha Y pererĩeta

Reiko  remoñe’ẽ

                II

Nga’u ra’e  Amyapesãkuaa

Chave ñe’ẽ porã

Ha’e   haĝuã ndéve

Añandúva rohecha guive

      

               II

Aníkena   osẽ che réra

Ne  ñe’ẽme

Toikónte ñemimi

Añandúva che

            III

Jepeverõ nde puka

Ha ne  ma’ẽ

Ojo’o  haityrã

Che ñe’ãme

                IV

Toikónte ñemimi

Añandúva che

Anintemo ipochy

Mba’e jára

        V

Pyhare pukúpe

Hendypu rãngue

Toikonte ñemimi

Añandúva che

        VI

Yvytu piguimi

Ohasávo che kéra pichaĩ

Ajovayvami ha ahecha

Yvága hovýre mbyja ko’ẽtĩ

         VII

Vaicha ovava ha iñayĝui

Hendypuvaicha añandúva che

Ha katu  apáyvo ha’e che jupe

Añete nipo ko’ã mba’e                    

Asunción, IX- 1986  Porfiria Orrego Invernizzi  ( Kerasy)